**పసిడి పిల్ల**

పరవళ్ళు తొక్కేటి పసిడి నవ్వుల్లోన
తళుకులీనే చిలిపి భావమేమో

ముక్కెరంతా మలిగి
చిరు చెంద్రమై వెలిగి
దీపాల మించు వెన్నెలెమో

కళ్ళలో దూకేటి జలపాతమే అది
అమృతం కురిసేటి వర్షమేమో

పలికేటి గొంతులో
ఎన్నెన్ని వైనాలు
ఎంచుకుంటే బతుకు చాలదేమో

నడకల్లో నాట్యాలు
మోగేటి మువ్వల్లు
అవి ఆగితే గుండె ఆడదేమో

ఎన్నెన్ని అందాలు
పూస్తాయి పూలు
ఈ పిల్ల మేనికి సాటిరావేమో

దేవతో ఏమో ఈ పిల్ల
దేవతో ఏమో