Right disabled

Wednesday, November 25, 2015

**రాత్రులు**

జాలువారే మృదుమధుర పదజాలాలు
ఆలోచనలు విచ్చుకునే చీకటి తోటలు
అర్థం చేసుకుంటే పుట్టుకకూ మరణానికీ తేడా తెలియజెప్పే దేవతలు
కాలపు కన్నియ నవ్వుల కాఠిన్యాలు
అలసిపోని అనిమిషనేత్రాలకు స్వాగతాలు
అనేకానేక సంఘర్షణల అలుపు మజిలీలు
అనుకుంటే మరో ప్రపంచపు సింహద్వారాలు
వెలుతురు నేరాలకు కొనసాగింపు కొలమానాలు
ఒంటరి బ్రతుకులకు కాస్త ఉపశమనాలు
మండే మనసులకు పట్టపగళ్ళు
వందల వేల స్వప్నవేణువుల సంయోగ సంగీతాలు
మత్తెక్కించే నల్లచర్మపు జవరాళ్ళు

No comments:

Post a Comment