ఎంత అందమైనదానవో
ఎంత లోతైనదానవో
ఎంత ఎరుక ఉన్నదానవో
ఎంత మనసున్నదానవో
ఎంత తత్వమున్నదానవో
మరి ఏమీ లేని నన్ను ప్రేమిస్తావా
నాదగ్గరేమీ లేదు
ఉండీ లేనట్టుండే హృదయం తప్ప
నేనేమివ్వగలను
నాకంటూ మిగిలింది నేను అన్న భావన మాత్రమే
ఒడ్డున వేచి ఉన్న నన్ను
కేవలం స్పర్శిస్తావేం
ఒక్క ఉదుటున వచ్చి కౌగిలించుకోరాదూ
కేవలం గాలి మాటలేనా
అసలు మాటలు అవసరం లేని నీలోని గాఢమైన నిశ్శబ్దం
నాకివ్వరాదూ
ప్రేమంత నిన్ను భరించేతటి శక్తి నాకు లేదు
ఓ సముద్రమా
నన్నూ నా ఇష్టాన్నీ నీలో కలిపేసుకోరాదూ
No comments:
Post a Comment