**కొన్ని తీరాలు**

మహా సముద్రాలు విశ్రమించే చోట

కొన్ని తీరాలు కలుస్తాయి

శంఖాలు తమ శబ్దాలను మార్పిడి చేసుకుంటాయి

గవ్వలు తమ మేని మెరుపులు పంచుకుంటాయి

ఇసుక రేణువులు

తమ గుసగుసల శృంగారాన్ని వెదజల్లుతాయి

సాయంత్రాలను మలిగించడానికై

సూర్యుడిని వెలగనిస్తాయి

చంద్రుడు మెల్లగా నీటిలోకి జారుకుంటాడు

నిశ్శబ్దంగా చల్లగా వాటిని మరిగిస్తాడు

చివరకు తీరాలన్నీ విడిపోతాయి

సెగలు కక్కే ప్రేమ జాడలను

గోటి గుర్తులలో నింపేసి