**కానుక**

ఆ రాత్రొక సమ్మేళనం
స్పర్శ తప్ప వేరొకటి లేదావేళ
అపుడు నేను తనూ ఇద్దరం అద్దాలమే
అద్దం అద్దం ఎదురుపడితే ప్రతిబింబాలొక లెక్కా

సారూప్యతలూ తేడాలూ పోట్లాడుకుంటే
ఒకరిలో ఒకరు మళ్ళీ మళ్ళీ పుట్టడమే ముఖ్యమని తేలిందక్కడ

అక్కడ మేమే
ఆ గర్భగుడి మాదే
కాలానికీ ప్రాణమున్నదని తెలీదు
మొట్ట మొదటిసారి అది మాట్లాడటం అక్కడే విన్నాను
ప్రవాహాన్ని కొంచెం నెమ్మది చేసుకున్నది కూడా తెలిసింది

కానుకకు అర్థమేమిటో తెలియకపోయినా
దాని అవసరమేమిటో చెప్పింది తను
ఆ రాత్రొక సమ్మేళనం
అంతే