కొలిమిలో ఎర్రగా కాల్చిన కొనకంచు వేడిని
ఎప్పుడయినా అనుభవించావా?
సెగలుకక్కే లావా
చుక్క వెంబడి చుక్క నీపై పడుతుంటే
నోరు మూసుకుని సహించగలవా?
బ్రహ్మజెముడు ముళ్లపై
నిన్ను ఎవరైనా బరబరా లాక్కెళితే
ఎలా ఉంటుంది?
నీ మెదడు తలలో ఉండగానే
ఎవరైనా గట్టిగా నొక్కేస్తే
అపుడు నీకేమనిపిస్తుంది?
నీ ఒంట్లో శక్తంతా ఉడిగిపోయి
బండకేసి నిన్ను బాదినట్టు అనిపిస్తే
నువ్వేంచేస్తావు?
తొందరగా నాలోంచి బయటికెళ్లిపొమ్మని
నేను నిన్ను అర్థించినట్టు
తొందరగా బయటకు వచ్చెయ్యమని
అంత నొప్పి భరిస్తూ నిన్ను కనేటప్పుడు
నీ తల్లి కూడా అడిగుండదు కదూ?
నన్నొదిలెయ్ ప్లీజ్
నన్నొదిలెయ్
ఎండ్ నోట్: నేనూ మగజాతికి చెందినవాడినే కాబట్టి, ప్రతి ఒక్కరిలోనూ విశృంఖలత్వం, కర్కశత్వం ఉంటాయి కాబట్టి, నాలోని సగటు మగతనపు రేపిస్ట్ ఇన్ స్టింక్ట్ కు వ్యతిరేకంగా రాసుకున్న కవిత.
No comments:
Post a Comment