**బెత్తం దెబ్బలు**

అంతర్జాతీయ మాతృభాషా దినోత్సవమట
ఇదికూడా అర్థం కాని జనాలు, 

ఆ జనాల పిల్లలూ ఉన్నారిక్కడ
పొరుగింటి పుల్లకూర రుచేకానీ 
సొంత ఇంటి పప్పూ, పచ్చడీ ఆరోగ్యమే
మూతడు తాగండి చాలు అంటే 
సీసామొత్తం తాగి జోగుతున్న మూర్ఖులకు 
ఏం చెప్తే, ఎలా చెప్తే అర్థమవుతుంది
ప్రత్యేక మంత్రిత్వ శాఖ, మండలి పెడితే చాలదేమో
అయ్యవార్లకు మళ్ళీ బెత్తాలు సరఫరా చేయండి
వీపు విమానం మోతలు మోగితే
అమ్మా అని తెలుగులో అరిచినపుడు తెలుస్తుంది 
మాతృభాష అంటే మనలో ఇంకినదని
పైపైన పూసుకున్న పూత కాదని