Right disabled

Tuesday, October 9, 2018

**అంతే కదూ**

వెతకడం 
ఎదురుచూడటం 
వేరు వేరు

దేనికోసమో
ఎవరికోసమో 
లేదా ఎందుకోసమో 

ఎదురుచూస్తూ వెతకడం 
కేవలం ఎదురు చూడటం

ఎంత తేడా

ఫలానా చోట ఉంటానని చెప్పలేదు
ఎవరూ ఎప్పటికైనా వస్తాననీ అనలేదు

ఈ వెతుకులాట
ఎదురుచూపు 
ఎవరో ఏమిటో 
ఎప్పుడో ఎక్కడో తెలియకపోయినా
వ్యర్థం కావనే అనిపిస్తుంది

నాలో నేను వెతుక్కుంటూ పోవడం 
అనవసరమైన శ్రమ

నాకు నేను తెలియకపోవడమేమిటి
ఇంకొకరి గురించి తెలుసుకుని 
నేను సాధించేదేమిటి

కేవలం వెతకాలి
ఎదురుచూడాలి
అంతే

ఏం మాట్లాడవేంటి
అంతేకదూ