**శ్వేతాశ్రువులు**

వాళ్ళ కన్నీళ్లు
పొడి బుగ్గలను ఒరుసుకుంటూ
దొర్లిపడే
స్వచ్ఛమైన ముత్యాలు

స్వచ్ఛమైన బాధలను
దాచుకున్న ముత్యాలు

స్వచ్ఛమైన దుఃఖాన్ని
నింపుకున్న ముత్యాలు

ఓదార్చే చేతులేవైనా వచ్చి
తమను ఒడిసిపట్టుకుంటాయేమోనని
ఆశతో జారిపడే ముత్యాలు

అటువంటి ముత్యాలు చివరికేమౌతాయో తెలుసా
తమను ఆదుకోవడానికి
తమ అస్థిత్వాన్ని ఆఖరు వరకూ నిలబెట్టడానికి
తమ ప్రాణాలను సైతం
బలి ఇచ్చిన వారి మెడల్లో
దండలవుతాయి