**సంకెళ్ళు**

అందమైన నీ మెడలో

ఆనందాల పూవులను

అలంకరించుకోవాలనుకున్నావు

కానీ ఆ పువ్వులను ఒక్కటిగా చేసి

చక్కటి మాలగా నిలిపే

స్వేచ్ఛ అనే దారాన్ని

నేనేనని

ఎలా మరిచిపోయావు

సువిశాల ప్రపంచ వేదికపై

ఒడలు మరచి

ఉత్తేజాల చిందులు వేయాలనుకున్నావు

కానీ

ఆ వేదికకు

నర్తించే నీ పాదానికీ మధ్య

సరయిన సయోధ్య కుదిర్చి

నీ కదలికల అస్థిత్వాన్నిబయల్పరచే

నాదాలను వెలువరించే

స్వేచ్ఛ అనే సిరిమువ్వల పట్టీల జతను

నేనేనని

ఎలా మరిచిపోయావు

నీ మరపుకు మూల్యమేమిటో

తెలుసానీకు

నీ నుంచీ

స్వేచ్ఛను విదిలించుకుని

వదిలించుకుని

మిలమిలా మెరిసే

వజ్రపు సంకెళ్ళను

కావాలని తగిలించుకున్నావు