**ఊ.... కదులు**

అనవసరపు ఆలోచనల పందేరాల్లోంచీ 
వాస్తవికతలోకి 
అపజయాల వాకిళ్లయినా తెరువు 
ఎంతో కొంత నేర్చుకుంటావు

భౌతికమైన ఒంటరితనంలోంచీ 
తలచిన మాత్రంగా తోడు నిలిచే 
బాధల కష్టాల ఆనందాల అనుభవాల 
సందళ్ళలోకి దూకు 
కొంతైనా గట్టిపడతావ్ 
స్థిమితపడతావ్ 

రాయి తనంతట తాను కదలకపోయినా 
ప్రయత్నమాత్రంగా కదిలిస్తే కదులుతుంది 

నీలో జడత్వం పుట్టలు కట్టిందా పద
గునపం పలుగూ పారా అందుకో