**the silent whisperers**

శబ్దం లేనితనాన్ని చూసావా ఎప్పుడైనా

కాస్త దగ్గరగానైనా గాలి, మిగితా సవ్వడులు లేకపోవడం

కొద్దిగా తెలిస్తే

నువ్వేమవుతావో తెలుసా?

 

పిచ్చి పడుతుంది కదూ

ఇదంతా ఇప్పుడు చెబుతున్నానని

నాకు పిచ్చనిపిస్తుంది, కాదూ?

 

We are born with silence at our fingertips

Did you observe

Lying on our backs

We look at our fingertips

Move them mysteriously

And smile and giggle without a reason

 

మునివేళ్ళ వెంబడి నిశ్శబ్దమలా

మెరుపుల్లా కదులుతూ ఉంటుంది

ఇది పోలిక మాత్రమే

వినికిడి అవసరమే ఉండదసలు

కంటికి కూడా తెలీదంతే

 

నిశబ్దం గురించి మాటల్లో చెప్పవలసి వస్తోందనే నా బాధల్లా

పెదాలు విచ్చుకునేందుకు ఎంత శబ్దం చెయ్యాలి?

నీకు తెలీదా

నేను చెప్పాలా

 

గుసగుసలాడటమే వినబడకపోతే

నిశ్శబ్దంగా గుసగుసలాడటం గురించి ఏం చెప్పగలం

 

పైకి చూస్తూ నీలిరంగు దాటిపోతే

అంతా దారుణమైన శబ్దం లేనితనమే

 

సముద్రం బాగుంది కదా అని లోతుకు పోతే

అదోరకమైన భారమైన నిశ్శబ్దం

 

ఇక నేను అదెలా ఉంటుందో చెప్పలేను

నీకు తెలిస్తే నువ్వేమైనా చెప్పగలవా ఏమిటి?

 

ఇదీ అంతే

నీకైనా నాకైనా

 

This is why we are known as

Silent whisperers

 

We just don’t speak

We propagate the language of nothingness

 

అర్థం కాలేదా?

 

Mingle with us

We’ll let you know

 

Let’s get the taste of it

 

ఊరకనే కాదులే

ప్రతిదానికీ ఖరీదు ఉంటుంది

 

After all

What’s free in this world!

 

కన్ను కొట్టి పిలిచిన సంగతి నీకు తెలీనేలేదు కదూ

నిశ్శబ్దమంత బాగుంటుంది మరి