**those shades of night**

ఎంత వెలుగు వస్తే మాత్రం

చీకటిని మర్చిపోయేంత వెర్రివాడిని కాను

 

చీకటిని చుట్టుకుంటూ చుట్టుకుంటూ

నీ నీడలో మిణుకుమంటున్న కొన్ని చుక్కలను

నిర్దయగా విదిలించేయకు

 

నువ్వింకా నిద్రపోతున్నావని భ్రమపడి జోగుతున్నాయి

వాటిని కాసేపు నిద్రపోనీ

వాటి కాలం ముగిసిపోయేంతవరకూ

 

Why don’t you wait for me till I wake up?

You disappear with first light

I hate that

 

ఉన్నపళంగా వదిలి వెళ్ళకు

కనుల నిండా నిన్ను నింపుకుని

రాత్రీభవించిపోయాను

 

Light will never interest me anymore

All I got is

That darkness lurking inside me

It can only be kindled by your looks

 

పట్టపగలు కూడా సరిగ్గా చూడలేని జనం

చీకటిని నిందిస్తారు

నువ్వేమిటో తెలీదు వాళ్లకు

 

మబ్బు కప్పుకున్న సముద్రాన్ని నేను

నువ్వు కురిసేకొద్దీ నన్ను నింపి

నేను ఎగిసేకొద్దీ నిన్ను కూర్చి

 

How can I put this into words?

Is there a name for this?

Or is it just that simple?