**దగ్గర దారి**

ఒరేయ్ మనిషీ

నిచ్చెనలు కడుతున్నావా

ఏ స్వర్గానికి ఎగరడానికి

అదెలా ఉంటుందో తెలుసా

ఎక్కడ ఉంటుందో తెలుసా

చచ్చిన తరువాత కూడా

నానా కష్టాలూ అనుభవించే

నరకానికి పోవడానికే

కొన్ని వేల మైళ్ళు ఉన్న

వైతరిణీ నదిని దాటాలట

ఇక స్వర్గానికి వెళ్లడానికి

ఎన్ని దాటాలో

నేనొకటి చెపుతాను

వింటావా

నీలో నీవు ప్రయాణించు

నువ్వెవరో తెలుసుకో

అర్థం కాలేదా

నిన్ను నువ్వు ప్రేమించుకోవోయ్

కష్టమేమో కానీ

స్వర్గానికి ఇదే దారి

దగ్గర దారి