**నా దీపావళి**

మూలాలను నింపుకున్న

మట్టి ప్రమిదలో

నా భావాల సారం పోసి

అక్షరాలతో వత్తులు చేసి

కవనమనే అగ్నితో

ప్రజ్వలింపజేస్తే

ఆ ఉద్వేగ జ్యోతులలోనుంచీ

ఒక్కసారిగా ప్రసరించిన

వింత కాంతులు

నా లోపలి ఖాళీ చీకటి భాగాలలో

వేయి వెలుగులు నింపుతూ

నన్ను పరిపూర్ణం చేస్తున్నాయి

అవే ఆనంద దీపకళికలను

నా హృదయపు ప్రతి మూలలా

ప్రతిష్ట చేసుకుంటూ

అంత వెలుగూ

నాకోసమే ఉంచుకోకుండా

నలుగురికీ ప్రసరింపజేస్తూ

నా దీపావళి

జిలుగు వెలుగుల

నా దీపావళి