**నిశి రాణి**

నేనంటే ఎంత ఇష్టమో

నిరంకుశ నిశి రాణికి

గాఢాంధకారపు కౌగిలిలో

చుట్టేసుకుంటుంది

తన నల్లటి కురులలో

దాచేసుకుంటుంది

వేధించే జ్ఞాపకాలకు

నేను కనిపించకుండా 

చీకట్ల పరదాలు

కప్పేస్తుంది

తనలో నన్ను

నిదురపుచ్చి జోకొడుతుంది

తొలి వెలుగులు

ఈ లోకపు నిరాశను, నిస్సత్తువను

తరిమేసే వేళ

నను నిదురలేపుతుంది

మళ్ళీ రాత్రికి వస్తానంటూ 

మధురమైన గుర్తులు మిగిల్చి మరీ

మరలిపోతుంది

నేనంటే ఎంత ప్రేమో 

నిష్కల్మష నిశి రాణికి